Дзеючыя асобы: Гаспадыня,
Яблык, Алёнка, Іван, Баба-Яга.
Гучыць беларуская народная мелодыя. Гаспадыня і 3 дзяцей выходзяць у
цэнтр пляцоўкі. Дзяўчынкі (удзельніцы танца) стаяць каля цэнтральнай сцяны.
Гаспадыня: Добры дзень, шаноўныя! Наша
сённяшняя сустрэча прысвечана вельмі прыгожаму фальклорнаму святу - Яблычны Спас.
1дзіця: Колькі смачных,
салодкіх яблыкаў у садзе!
2 дзіця: Свежы пах сакавітых траў, у полі саспелыя каласы!
3 дзіця: Колькі
сонца! Колькі святла! Якая прыгожая наша зямля! Танец
“Сердце земли моей”.
Гаспадыня: Яблычны Спас
лічыўся галоўным святам лета. Усе выходзілі на
палянкі, спявалі песні і вадзілі карагоды. Дзяўчынкі, выходзьце, песню пра
яблыкі заводзьце (раздае інструменты). Песня “Яблычны спас”. Сядаюць.
Гаспадыня: Ведаеце, ёсць у мяне чароўны
мяшочак. Давайце скажам ўсе разам «Раз, два, тры мяшочак прыйдзі!»
Дзеці: Раз, два, тры
мяшочак прыйдзі!
(Пад музыку
з'яўляецца Мяшок і падыходзіць да гаспадыні, ўнутры дарослы персанаж у касцюме
«Яблык»).
Гаспадыня: Здагадайцеся, што ў мяшку? Паслухайце
падказку: гэты прадмет духмяны, круглай формы, вельмі смачны, багаты вітамінамі.
Дзеці: Яблык!
Гаспадыня: А
гэта мы зараз праверым ... развязвае мяшок. Здагадаліся, малайцы! Ой,
ды яно жывое!
Яблык: А вось і
я! Добры дзень! Я да вас з казкі прыкаціўся! А вы
хацелі б у казцы пабываць?
Дзеці: Так!
Яблык: Добра, але мне
патрэбна ваша дапамога. Для гэтага мы пагуляем у гульню «Каціся, яблычак, па
сподачку». Пакажыце вашыя далонькі, яны
ператвараюцца ў талерачкі. І паслухайце чароўныя словы: каціся, каціся,
яблычак, па сподачку, пакажы нам казку. Усе выстаўляюць далонькі і паказальным пальцам другой рукі выконваюць па ёй
кругавыя рухі.
Пад музыку з'яўляецца дзяўчынка Алёнка.
Алёнка: Добры дзень, дарагія
дарослыя і дзеці! Вы не бачылі майго брата Івана? Загулялася я з сяброўкамі. Прыбегла
дадому, а яго няма. Дзе ж мне яго шукаць?
Гаспадыня: Не перажывай,
Алёнка, мы абавязкова табе дапаможам. Лепш паглядзі як сонейка нам весела усміхаецца, хоча пагуляць з табой і дзецьмі.
Муз. гульня “Ласкавае сонейка”.
Яблык: Дзеці, давайце скажам
чароўныя словы: каціся, каціся, яблычак, па сподачку, пакажы нам, дзе брат Іван.
З'яўляецца пад музыку Баба Яга.
Баба
Яга:
Прывітанне, даўно не бачыліся ...
Чаго выклікалі мяне, бабульку-красатульку? Засумавалі,
аднак ...
Алёнка: Баба - Яга,
аддай майго брата Івана!
Баба
Яга:
Не аддам, ён справай заняты, залатымі яблычкамі гуляе.
Алёнка: Што ж рабіць? Як Івана выручыць?
Яблык: Абмяняй
мяне на Iвана. Я яблык чароўны, казачны,
буду Бабу Ягу забаўляць, цудоўныя краіны ёй паказваць.
Баба Яга: Трэба падумаць!.... Яблычкі я люблю! А вы навучыце мяне як
яблычкі вырасціць?
Яблык: Вядома, Баба Яга, Алёнка
з дзецьмі цябе навучаць.
Гаспадыня: Выходзьце, дзеці,
будзем Бабу Ягу вучыць! Пагуляем у пазнавальную гульню «Як яблык вырасціць». (выносіць макет яблыні). Выходзяць 4 дзіцяці.
Алёнка: Каб смачныя яблычкі
вырасціць, за яблыняй трэба правільна даглядаць.
1
дзіця: Ствол дрэва пабяліць. (паказвае кістачкай)
2 дзіця: Зямлю вакол ствала
ўскапаць.(лапаткай)
3 дзіця: Паліваць, гусеніц
збіраць. (лейкай) Макет застаецца стаяць.
Яблык: Малайцы! Сапраўдныя
эколагі!
Гаспадыня: Баба
Яга, ну што, запомніла, як трэба за яблыняй даглядаць?
Баба
Яга:
Даглядаць гэта доўга ... А я цяпер хачу мець у сваім садзе смачныя яблычкі,
інакш не ўбачыць Алёнка свайго брата!
Яблык: Баба-
Яга, якая ты капрызная! А калі мы танец табе пакажам пра яблыньку?!
Баба
Яга:
Ну, добра, пагляджу... Танец “Яблонька”. (хлопчыкам раздаць кошыкі, дзяўчынкам хустачкі). Сядаюць.
Баба Яга: Малайцы! Дзякуй, парадавалі.
Яблык: Ну што, вернеш цяпер
брата Івана?
Баба Яга: За адзін толькі танец?
Ды куды
ты ўсё спяшаешся ... Яшчэ і ў гульні не гулялі ...
Яблык: А вось зараз і пагуляем! Гульня «Перадай яблык па коле».
Дзеці пад музыку перадаюць яблык адзін аднаму, у каго па сканчэнню музыкі яблык застаецца
ў руках, той павінен выканаць якое-небудзь заданне: праспяваць, станцаваць, закукарэкаць і г.д. Заданні задае Баба-Яга.
Яблык: Ну, што, Баба Яга,
усе твае жаданні мы выканалі ... вяртай брата Івана!
Баба Яга: Пачакай! Хачу вясёлы танец убачыць!
Гаспадыня: Калі ласка, дзеці,пакажыце
вясёлыТанец“Саўка ды Грышка”. Сядаюць.
Баба-Яга: Апошняе жаданне
засталося: яблыкаў хачу!
Яблык: Давайце пагуляем у гульню «Частуй Бабу-Ягу яблыкамі». Гаспадыня падае
Яблыку 2 кошыкі з яблыкамі па 5 штук у
кожным, а Бабе- Яге пусты кошык. Дзве каманды па 5 чалавек: дзеці
пераносяць па адным яблыку з 2-х кошыкаў ў кошык Бабы Ягі.
Баба
Яга:
Дзякуй! Баба Яга бярэ Алёнку і Івана за рукі і выводзіць у цэнтр
круга. Вось, Алёнка, твой Іванка, сустракай брата! Пад музыку выходзіць Іван. Алёнка абдымаецца з братам.
Алёнка: Вялікі дзякуй вам сябры,
выручылі вы мяне.
Іван: Дзякуй вам хачу
сказаць, сяброў трэба ратаваць! А з сябрамі цікавей песні спяваць, скакаць і гуляць!
Гаспадыня: Частуйцеся спелымі
яблычкамі і будзьце здаровыя! Перадае
кошык з яблыкамі выхавацелям..
Гаспадыня: Яшчэ раз дружныя
апладысменты ўсім удзельнікам нашага свята «Яблычны Спас»!
Усе ўдзельнікі свята пад музыку пакідаюць гульнёвую пляцоўку і вяртаюцца ў
дзіцячы сад.
Комментариев нет:
Отправить комментарий